Pippi am Camper, sténkeg Féiss am Fliger, Tréinen an der Seelbunn, Muskelkater iwwerall - déi lescht Woche ware voller Erausfuerderungen, a well dat sou schéi war, ginn et ab haut nei Challengë fir déi nächst 4 Woche fir de Gil & d'Jil 📸🥑🍍
An dëser Episod gi mir iech Tipps fir d'Liewen: E codéierten Tipp, wéi der äre Kanner bäibrengt, trotz Kamellen net mat Frieme matzefueren, e Finanz-Tipp fir StudentInnen - dat vun zwou Persounen, déi d'Steiererklärung natierlech komplett duerchblécken (oder och net) - e Kinostipp fir jiddereen, dee mat Gesellschaftskritik ëmgoe kann - a virun allem fir all déi, déi d'Kritik betrëfft🤓
Fréi opstoen, konzentréiert nolauschteren, léieren, Deadlines anhalen - alles dat ass en Zockerschlecken am Verglach mat der gréisster Hürd am Studium: Gruppenaarbecht! Mee an Éisträich lount sech dat Ganzt trotzdeem, de Gil freet sech nämlech all Dag driwwer, sech ëffentlech als B.A. ze betitelen. D'Jil dogéint muss sech aktuell schummen, hatt ass nämlech offiziell Mäerderin... Wien sech awer nach vill méi schumme soll: Déi Leit, déi hir Wurschte fir vill ze deiert Geld verkafen! Och de Gil hat en Opreeger mat dobäi, aus deem sech awer eng richteg clever Business-Iddi entwéckelt huet. À Propos entwéckelt: Wat haalt dir vum Retrotrend vun den analoge Fotoen? A...
Mir kucken zréck op eis Liblingskannerfilmer a -serien, schwätzen iwwer d'Evolutioun vum Musekskonsum an diskutéieren iwwer Bluttspenden... Wiem ass dobäi wuel de Kolli geplatzt?
D'Episod 11 beschreift de klassesche Fall vun Ups & Downs am Liewen: D'Jil hat High Life am Fliiger, beim Gil stoung de Keller ënner Waasser. D'Jil gouf beklaut, de Gil hat eng gutt Zäit zu Budapest. Mir hannerfroen d’Liewen, mee an dëser Episod hannerfroe mer och ganz vill Begrëffer, wéi den Drogist, de Standpunkt an de Punktestand.
Et sinn déi kleng Saachen am Liewen, déi ee besonnesch genéisse soll, sou wéi den 10. Gebuertsdag vum Croque-monsieur. Dofir gëtt et an der 10. Episod en Entweder-Oder Spezial, mat äre Froen. Vun jonke Kapp oder jonke Kierper, iwwer laachen oder kräischen, bis bei Aendokter oder Zänndokter ass alles mat dobäi. A wéi gewinnt gëtt och e bësse gepöbelt an nei Challengë verdeelt.
Dank iech dobaussen hu mir en Numm fir dem Jil seng Blumm fonnt, mee mir brauche schonn nees är Hëllef, dës Kéier bei Monopoly. Zockt dir do am Fong d'Leit gären esou krass et geet of, oder spillt dir nom Motto "Mensch ärgere dich nicht"? Och am reale Liewe ginn et Gutbürger a Wutbürger, zum Beispill wann et em d'Walflicht geet. An och bei eisem leschten Thema "rausgoen" ginn et zwou Zorte vu Mënsch: Déi roueg Beobachter an déi déi beim TZK nom Jörg ruffen. Alles dat an der 10-1ter Episod vum Croque-monsieur.
Mir kennen all de klassesche Smalltalk bei dem mer als éischt mol iwwer d‘Wieder schwätzen. An eiser neier Episod huele mir d‘Thema Wieder awer op den next level a kucken op eng potenziell (oder utopesch) Zukunft vu Wieder Apps. Ma och wann d’Wieder hätt kënne besser sinn, war d‘Jil trotzdeem den 1. Mee am Stau, sengem Liblingsséi, deen de Gil definitiv mat anere Saachen ewéi Spaass a Freed associéiert. Net nëmmen beim Thema Schwammen ginn d‘Meenungen auserneen, och beim Thema Schouluniformen argumentéieren déi zwee op hir Aart a Weis dofir oder dogéint. A wann zwou Meenungen schwéier ze vereene sinn,...
"Sport ist Mord" hu mer all schonn héieren, mee et ass ni esou wäit komm. "Sport ist Scheiße" hu verschidde Leit allerdéngs scho wuertwiertlech erlieft - och de Gil bei sengem éischte Semi-Marathon?! Mir entschëllegen eis allgemeng fir déi vill Widderhuelunge vun dem Wuert "Schäiss", mee wann och nach d'Klimakleber engem bei sengem 21,0975km laange Laf am Wee pechen, dann dierf een dat jo wuel esou soen, oder? Mir kucken dann och zréck op eis méi oder manner sportlech Erfarungen an der Schoul a stellen d'Fro: Ass Völkerball Mobbing? Deelt gären är Erfarunge mat eis!
Mir hunn ChatGPT ëm Rot gefrot: Wéi geet dirty talk? Wat soll een op säi Gebuertsdagskuch schreiwen? A wéi plangt een eng Rees duerch Schweden an Dänemark? D‘KI huet net nëmme clever Äntwerte parat, mee ass och poetesch ënnerwee. An och eis al Frëndin Alexa kënnt zum Asaz. Donieft hu mir nach weider Frëndschafte geschloss, dat mat super chillen a flauschegen Alpakaen! An eiser 6. Episod schwätze mir dann och iwwer de schwéiere Wee e Studentenjob ze ergatteren an d'Virstellung eng Millioun Euro ze gewannen.