#13 Wat eng Wurscht!

Show notes

Fréi opstoen, konzentréiert nolauschteren, léieren, Deadlines anhalen - alles dat ass en Zockerschlecken am Verglach mat der gréisster Hürd am Studium: Gruppenaarbecht! Mee an Éisträich lount sech dat Ganzt trotzdeem, de Gil freet sech nämlech all Dag driwwer, sech ëffentlech als B.A. ze betitelen. D'Jil dogéint muss sech aktuell schummen, hatt ass nämlech offiziell Mäerderin... Wien sech awer nach vill méi schumme soll: Déi Leit, déi hir Wurschte fir vill ze deiert Geld verkafen! Och de Gil hat en Opreeger mat dobäi, aus deem sech awer eng richteg clever Business-Iddi entwéckelt huet. À Propos entwéckelt: Wat haalt dir vum Retrotrend vun den analoge Fotoen? A vu Puzzelen? A vum Barbie Film? Schreift eis gär är Meenung, an domat vill Spaass bei der Glécks-Episod 13!