#28 An der Schwämm vergiess

Show notes

Mir haten iech gefrot: Wou steet déi schéinsten Nodenk-Bänk? Dir hutt se eis geschéckt an, léif Croquetten, natierlech deele mir des Bänken mat iech.

Mir kucken awer och op ee wichtegen Deel vun eisem Alldag: d’Mëttegpaus. Ass dat de perfekten Zäitpunkt fir Sport ze maachen? Oder ass et e wäertvolle Moment fir mat den Aarbechtskolleeg*innen ze socializen? An erënnert dir iech nach un är Mëttegpaus am Lycée, wou der iech vu Pizza a Grillwurschten ernäert hutt?

De Gil huet dann och eng intressant Erfarung am Schoul-Schwamme gemaach, an d’Jil kläert op, no wéi enge Krittären dir eng Schwämm raussiche sollt.

Wann dir iech dann och schonn oft gefrot hutt, wéi Architekt*innen op falsch Iddie kommen, wéi Schauspiller*innen sech scheinbar op Kommando kënnen iwwerginn, a wéi d'Police Handye vun Doudegen entspäert, da lauschtert eran d'Episod 28 vum Croque-monsieur.